काभ्रेपलाञ्चोकमा किसानलाई किसान सिम कार्डसहित विभिन्न उपकरण वितरण गरिएको छ।
धुलिखेलमा आयोजना भएको वितरण कार्यक्रममा जलवायु समुत्थान आयोजनामार्फत करिव २५ हजार बराबरको वर्षा मापन यन्त्र, थर्र्मामिटर जिल्ला पशु कार्यालयको सिफारिसमा १७ जना र जिल्ला कृषि विकास कार्यालयको सिफारिसमा २६ जनालाई वितरण गरिएको हो ।
पाँचखाल नगरपालिका, बनेपा नगरपालिका, पनौती नगरपालिका, बालुवापाटी, छत्रेबाझलगायत स्थानका कृषकलाई ती सामग्री कृषि विकासमन्त्री गौरीशङ्कर चौधरीले वितरण गरे । सो अवसरमा मन्त्री चौधरीले कृषकलाई सुविधा उपलब्ध गराउन कृषि सेवा केन्द्रलाई प्रभावकारी बनाउन जोड दिए।
उनले स्थानीय तहका आधारमा कृषि सेवालाई रुपान्तरण गरिने बताए । पहुँचका आधारमा कृषकले विभेद खेप्न नहुने उल्लेख गर्दै मन्त्री चौधरीले एक गाउँ एक प्राविधिक किसानसँग हातेमालो गर्ने कार्यक्रम भएको बताए।
कृषि विकास मन्त्रालयका सचिव सुरोज पाखरेलले कृषि ऋणका लागि कार्यविधि नबनेकाले समस्या देखिएको औँल्याउँदै कृषि उपकरणबाट लाभ लिन कृषकलाई आग्रह गरे। सिमबाट किसानले जलवायु परिवर्तनको अवस्थाबारे जानकारी लिने छन् । रासस
Click here to share with social network...Share on FacebookShare on Google+Tweet about this on TwitterShare on LinkedIn

Leave a Reply

Your email address will not be published. Required fields are marked *

*