timthumb.phpयस वर्ष किसानले मनग्य आम्दानी लिएका छन्।
व्यापारीले प्रतिकिलो ६० रुपैयाँमा स्याउ खरिद गरिरहेका छन्। पटमारा गाविसका किसान धमाधाम स्याउ भित्र्याउनमा व्यस्त छन् । व्यापारी बगैँचामै आएर स्याउ किन्न लुछाचुँडी गरिरहेका छन्।
बगैँचामै व्यापारीले आफूले भनेजस्तो मूल्य दिँदा मनग्य आम्दानी भएको पटमारा–२ उर्थुगाउँका किसान मुनबहादुर विष्ट बताउँछन्। उनले यस वर्ष २० टन स्याउ उत्पादन गरेका छन्। स्याउ बिक्रीबाट यस वर्ष १२ लाख आम्दानी गर्न सकिने उनको अनुमान छ।
स्थानीय किसान आइतमान विष्ट गत वर्षभन्दा यस वर्ष असिना र खडेरीका कारण स्याउ उत्पादनमा कमी आएकाले आम्दानी घट्न सक्ने बताउाछन्। तीन वर्षअघि प्रतिकिलो सातदेखि १० रुपैयाँ मात्रै पर्ने स्याउ अहिले ६० भन्दा बढीमा बिक्री भइरहेको छ।
गत वर्ष स्याउ प्रतिकिलो  २० देखि रु ३५ मा बिक्री भएको थियो। बढ्दो मागका कारण मूल्य बढेको जिल्ला कृषि विकास कार्यालयका प्राविधिक सहायक खेमराज शाहीले बताए। उर्थु गाविसमा स्याउ उत्पादन तथा गुणस्तर अभिवृद्धिका लागि उच्च मूल्य कृषि वस्तु विकास आयोजनाले समूहमार्फत हरेक समूहमा आठ लाखदेखि  २० लाखसम्म लगानी गरेको आयोजनाका कार्यक्रम संयोजक भेषबहादुर रावलले जानकारी दिए। सो संस्थाले स्याउको बगैँचा व्यवस्थापन, सिँचाइ सामग्री खरिद र प्राविधिक सहयोग गर्दै आएको छ। रासस
Click here to share with social network...Share on FacebookShare on Google+Tweet about this on TwitterShare on LinkedIn

Leave a Reply

Your email address will not be published. Required fields are marked *

*